Buug cusub oo lagu soo bandhigay Cape Town

Abdikarim Mursal Farah | Cape Town South Africa | 16 April 2017

Buugaan oo ku qoran afka Soomaaliga ayaa loogu magac daray Soomaalida South Africa Dhib iyo Dheef,Waxaana lagu soo bandhigay maalinimadii Axadda oo ku beegnayd 16 April 2016 xaflad ka dhacday markazka Al-sunnah ee ku yaala magaalada Cape Town.

Waxaa Bandhigga Buugan ka soo qayb galay horjoogayaasha jaaliyadda,  culimaa udiin, aqoonyahano, saxafiyiin, odayaal iyo ardayda wax ka barata jaamacadaha dalka South Africa.

Buugaan ayaa waxaa uu ka hadlayaa macluumaad badan oo ku saabsan Soomaalida South Africa qaabka ay u noolyihiin, haddii ay ahaan laheyd dhanka ganacsiga, caafimaadka, waxbarashada iyo waliba taariikhda dad Soomaali ah oo South Africa yimid muddo hadda laga joogo ku dhawaad 170 sano.

Qoraaga Buugga Soomaalida South Africa Dhib iyo Dheef Mukhtaar Sheekh Cabdiraxmaan (Macalin Dugsi) ayaa dhalinyarada Soomaaliyeed ugu baaqay in ay wax qoraan akhriyaanna cilmiga iyo taariikhada, si ay horumar u gaarsiiyaan dadkooda iyo dalkooda.

Abdikarim Mursal Farah

Cape Town South Africa.

Sources: wakaaladda.com