Culimada magaalada Gaalkacyo Oo nabad ku baaqay.[Dhagayso]

Gaalkacyo:-Magaalada Gaalkacyo ee gobolka Mudug waxaa wali ka taagan xiisadda colaadeed ee u dhexeysa maamulada Gal-Mudug iyo Puntland ee ka dhalatay muranka dhismaha waddo dhex marta magaalada. Dadka magaalada ayaa wali barakacaya si ay uga baxsadaan colaadda taagana ayaga oo taas ka duulaya, ayaa culimada magaalada Gaalkacyo oo ka kooban labada dhinac ee dagalamay waxa ay maanta shir ay ku yeesheen gudaha magaalada.

Culimada oo ka koobnaa guddi 14 qof, ayaa waxa ay soo saareen baaq ay labada dhinac ugu baaqayaan in si deg deg ah loo joojiyo colaadda si dadku ay guryahooda ugu soo noqdaan. Waxa ay ka codsadeen Gal-Mudug iyo Puntland in sidoo kale ay joojiyeen ciidamada ay ku soo daabulayaan magaalada.

Sheekh Muxiyadiin Sheekh Yuusuf oo ka mid ahaa culumadii kulankaasi ka qayb gashay ayaa Caasho Ibrahim uga warramay qodobada ugu muhiimsanaa baaqa culimada.

Hoos ka dhagayso baaq ay culimada Gaalkacyo ay ka soo saareen colaada Gaalkacyo

Source: halgan.net