Ninkan oo magaciisa lagu sheegay Nuur ayaa xalay seqdii dhexe waxaa uu mindi ku weeraray dad ku cibaadeysanayay masjid ku yaala xaafad lagu magacaabo Mamesbery oo hoos timaada magaalada Cape Town, waxaana uu halkaasi ku dilay 2 kamid ah dadkii ku sugnaa masjidka oo mid kamid ah uu Soomaali yahay halka uu dhaawac u geystay labo kale oo haatan lagu daweynayo cisbitaalka.
Ninka weerarka geystay oo Soomaali ahaa ayaa isaguna waxaa toogtay ciidanka police-ka kadib markii uu ka madax adeegay in uu isu dhiibo polce-ka islamarkaana uu isku dayay inuu weeraro police-ka, waa sida ay warbaahinta qortay.
Dhacdadan ayaa argagax ku riday Guud ahaan muslimiinta ku nool dalka South Africa gaar ahaana bulshada Soomaaliyeed kuwaas oo sheegay iney aad uga xunyihiin arrintan ka dhacday gudaha masjidka, xilli lagu gudo jiray saacadihii ugu dambeeyay bisha barakeysan ee Ramadan.
Ninka dilka geystay oo Soomaali ahaa ayaa dadka qaar ee garanayay waxaa ay sheegeen in uu qabay xanuun dhanka maskaxda ah oo xilli sii horeysay laga daweeyay, basle waxaa socda baaritaano arrinkaasi ku saabsan oo ay wadaan police-ka iyo laamaha kale ee dambi baarista.
Golaha Muslimiinta ee dalka South Africa MJC ayaa wax laga argagaxo ku tilmaay weerarka lagu qaaday masjidka seqdii dhexe ee xalay. MJC Wali wax faah-faahin ah kama aysan bixin arrinkan balse waxaa ay bulshada ku booriyeen inaan lagu deg-dagin tan iyo inta ay wax ka kala cadaanayan.
Muddo yar kahor ayay aheyd markii weerarkan lamid ah lagu qaaday masjid ku yaala gobalka Kuazulu Natal halkaas oo ay ku nafwaayeen 3 kamid ahaa dadkii ku cibaadeysanay masjidka.
Abdikarim Mursal Farah| Cape Town
